SUPER INTER VIR KHS

Die Super Inter op Ruimsig was’n groot sukses met KHS tweede uit die 8 skole wat deelgeneem het. Skole soos Helpmekaar, Roodepoort, Brits, Randburg en Marais Viljoen het deelgeneem. KHS se seuns en meisies het op een punt na ’n ewe groot bydrae gelewer. Sarel Prinsloo (s/16) is bekroon as die Top Senior Veldatleet Seun (Hoogspring 1,90m) en Tazmin Brits (m/19) as die Top Senior Veldatleet Meisies (Spiesgooi 53,81m). KHS wen 26 goue, 19 silwer en 25 brons medaljes. Die wenners was Lanél J van Vuuren (DG), Chanté Joubert (400m), Bernadine J van Vuuren (SG), Michelle Lotz (HS), Erné van Niekerk (400H), Marion-Ann Duvenhage (100H en 400H), Schani Moore (DS), Hellouise Erasmus (3000m), Andrea Strauss (400m en 400H), Pieter Kriel (SG), André Esterhuizen (100H en VS), Nico J van Rensburg (SG), Sias Koen (GS), Jacques Smit (1500m), Hubert de Haas (100m), Ryno Pienaar (SG), Sarel Prinsloo (HS), Garry Ollewagen (100m), Vernon Prinsloo (SG), Steyn Kriel (SG) en Tazmin Brits wat weer 3 goue ingeryg het in Spiesgooi, Gewigstoot en Skyfwerp! Sy verbeter ook Sunette Viljoen se Spiesgooi-rekord met 10 meter.

KHS se Top Tien Prestasies (meisies en seuns) volgens die ASA-punteprogram is: 1. Sarel Prinsloo (HS, 834), 2. Garry Ollewagen (100m, 825), 3. Steyn Kriel (Spiesgooi, 817), 4. Garry Ollewagen (200m, 796), 5. Ryno Pienaar (Spiesgooi, 790), 6. Stephen Robberts (110m hekkies, 772), 7. Pieter Kriel (Spiesgooi, 725), 8. André Esterhuizen (Verspring, 722), 9. André Esterhuizen (100m Hekkies, 719), 10. Steyn Kriel (100m, 703).

1. Tazmin Brits (Spiesgooi, 1 084), 2. Schani Moore (Driesprong, 808), 3. Sharon Pattinson (100m, 762), 4. Marion-Ann Duvenhage (400m Hekkies, 759), 5. Sharon Pattinson (200m, 741), 6. Marion-Ann Duvenhage (100m Hekkies, 707), 7. Andrea Strauss (400m Hekkies, 702), 8. Andrea Strauss (400m, 699), 9. Elandi Styger (Verspring, 692), 10. Marion-Ann Duvenhage (200m, 685).


Hubert de Haas

Hellouise Erasmus

Andrea Strauss

Steyn Kriel

Tazmin Brits

KHS ATLETE TOPS!!

Ons sê DANKIE aan atlete, afrigters, beamptes en ouers wat van die 2009 seisoen ‘n GROOT SUKSES gemaak het! Dankie aan elkeen wat op die baan of veld presteer het of deelgeneem het en dankie aan almal wat op die pawiljoen hul deel gedoen het. Dit bly vir ons baie spesiaal! Ons noem graag die volgende by die naam:

INTERHUIS: Franja du Plessis - Junior Victrix Ludorum
Tazmin Brits - Senior Victrix Ludorum
André Esterhuizen - Junior Victor Ludorum
Steyn Kriel - Senior Victor Ludorum

Steyn Kriel




Franja du Plessis







Witspan Dirigente






Geelspan dirigente






Blouspan dirigente








Rekords vir Benri Marais, Sarel Prinsloo, Sonique Fourie, Marion-Ann Duvenhage (2), Paul Viljoen, Anton Ackermann, Sharon Pattinson (2), Andrea Strauss (3), Tazmin Brits (2) en Japie Olivier

Japie Olivier








Sarel Prinsloo









PLAASLIKE INTER: Geluk aan elkeen van die 67 goue medaljewenners, 69 silwer sterre en 41 brons! Geluk veral aan
· Marion Duvenhage - Senior Victrix Ludorum
· Shirene de Villiers - Beste 0/14 Meisies-veldatleet
· Benri Marais - Beste 0/14 Seuns-veldatleet
· Michelle Lotz - Beste 0/16 Meisies-veldatleet
· Ryno Pienaar - Beste 0/16 Seuns-veldatleet
· Marion Duvenhage - Beste 0/17 Meisies-baanatleet
· Sharon Pattinson - Beste 0/19 Meisies-baanatleet
· Tazmin Brits - Beste 0/19 Meisies-veldatleet
· Steyn Kriel - Beste 0/19 Seuns Veld- en Baanatleet

• 
  DRIE goue medaljes aan Hellouise Erasmus, Marion-Ann Duvenhage, Tazmin Brits, Benri Marais en Rizaan Olivier
• 
  TWEE goue medaljes aan Zané Smit, Sharon Pattinson, Steyn Kriel, Lanél J v Vuuren, Veronique Scheepers, Johndré Denner en Andrea Strauss
• 
  REKORDS aan Tazmin Brits, Japie Olivier, Marnus Senekal, Herman Fourie, Sias Koen, Ettienne Grobler, Andrea Strauss en Schani Moore!
• 
  Gerhard Labuschagne is die Beste Seunsdirigent op die Inter

KHS NETBAL KOOK VROEG-VROEG!

Agtien van KHS se netbalspelers is gekies om deel te neem aan die finale KOSH-proewe wat op 21 April gehou word.

Dit is veral die O/14’s wat goed verteenwoordig is met altesaam ses van die span. Hulle is Liezel Liebenberg, Zané Smith, Lanél J van Vuuren, Daniella Ollewagen, Corné Jooste en Chanté Joubert.

Die ander spelers is Nadine van Zyl (O/15), Michelle Ferreira (O/15), Minnike Reynierse (O/15), Shirene Pretorius (O/16), Leniska Genis (O/16), Yolandé Botha (O/16), Carli Gnäde (O/17), Duney Müller (O/17), Karlene Bester (O/17), Melanie Scholtz (O/18), Jurika Volschenk (O/18) en Marilize Oosthuizen (O/18).

KHS se netbalspelers het ook verlede naweek teen Hoërskool Florida hul staal gewys toe 8 van die 9 spanne wat gespeel het, hul wedstryde gewen het. Die uitslae was as volg: O/14A wen 16-11, O/14B 17-9, O/15A 19-10, O15/B 24-20, O/16A 17-13, O/16B 31-2, O/17A 20-17, Tweedes 14-9 en Eerstes 18-21.

Melanie Scholtz

Marilize Oosthuizen

Jurika Volschenk

Agt rugby wenne te Pietersburg!

Na ’n baie suksesvolle eerste rondte in die Tuks-Super Sestien reeks het KHS 8 rugby-wenne in die sakkie met een span wat gelykop gespeel het en een span wat verloor het.

KHS se eerste rondte was weg-wedstryde teen Hoërskool Pietersburg op Saterdag 7 Maart. Die eerste rugbyspanne het mekaar deeglik vasgevat met KHS wat uiteindelik koning kraai met 31-23. Die Bloues druk altesaam vyf drieë wat twee skitter-drieë deur Garry Ollewagen insluit. Die ander drie-drukkers was John Meyer, Pieter Bornmann en Jannie Schoevers. J C Greyling slaag daarin om drie te verdoel.

Nog ’n span wat uitgeblink het met feitlik foutlose rugby was die O/16A’s wat hul opponente met 27-10 die loef afsteek. Ook dié span spog met vyf drieë van Jacques Swanepoel, Stephen Roberts, Ryno Pienaar, Renier Ferreira en Herman Smith.

Die O/15A’s wen met 13 – 10 en die O/14A’s met 20 - 8.

Die uitslae van die ander spanne is: O/15B: KHS 19 – PHS 5, O/16B: KHS 8 – PHS 3, O/14B: gelykop 17 – 17, 4e Span: KHS 5 – PHS – 0, 3e Span: KHS 27 – PHS 10, 2e Span 12 – PHS 29.










KHS het ver gery en die langpad terug lê nog voor!







Johan Meyer druk die 1e span se eerste drie!











Jannie Schoevers, 1ste span stut laat loop!











Jacques Swanepoel













Hubert de Haas











Herman Smit

FC Brooks, Norman J v Rensburg, Renier Ferreira, Theuns-Bruce Smith

Andre Esterhuizen laat loop met die bal en Pieter Knoetze ondersteun

KHS'ers na SA atletiek

KHS se top-spiesgooier, Tazmin Brits , het verlede naweek by die Senior SA’s haar stempel deeglik op die atletiekwêreld afgedruk toe sy in die tweede plek na die veel meer ervare Sunette Viljoen geëindig het. Brits se afstand, wat aan haar die silwer medalje besorg het, was 53,44m.

Benewens Brits het nog ses KHS’ers by die Noordwes Provinsiale kampioenskappe in Potchefstroom gekwalifiseer vir die SA’s toe hulle as
kampioene gekroon is.





Marion-Ann Duvenhage verwerf twee goue medaljes vir haar eerste plekke in 400m Hekkies en 100m Hekkies.


Ook Sharon Pattinson kry twee goues nadat sy die 100m en 200m wen.
Die ander Noordwes kampioene is Andrea Strauss (400m Hekkies), Sarel Prinsloo (Hoogspring), Steyn Kriel (Spiesgooi) en Ettienne Grobler (Hamergooi).

Nog twee KHS’ers ontvang silwer medaljes, nl. Japie Olivier (Hamergooi) en Nico van Rensburg (Spiesgooi). Hellouise Erasmus was vierde en Jacques Smit vyfde.

Die SA’s vind op 6-7 April in Durban plaas.

WOW! Matriek uitslae

WOW!

Die 2008-klas verwerf 260 A’s

KHS behaal die meeste onderskeidings in die KOSH in Fisiese Wetenskappe met 9 onderskeidings (‘n gemiddeld van 63%)

Agtien leerlinge het A’s vir Wiskunde

In Lewenswetenskappe behaal KHS’ers ‘n gemiddeld van 63,2%

Agt leerlinge behaal A’s in IT en die groep se gemiddeld is 70 %

Die gemiddeld vir Afrikaans Huistaal is 67,1%

Geografie-leerlinge verwerf gemiddeld 60,6%

Toerisme-gemiddeld 74,4%

Gr. 8 Kamp

Op Vrydag 16 Januarie het Hoërskool Klerksdorp se graad agt-kamp talle nuwe leerlinge propvol energie gehad en die VLR-lede is net so opgewonde. Die kamp, vanaf Vrydagmiddag tot Saterdagoggend, het aan alle graad agt-leerders die geleentheid gegee om in die skoolsaal te slaap en die program het gesorg vir meer as genoeg pret.

Na ’n middag se baljaar in die swembad moes die jong slange koppe bymekaarsit om ’n perdekar te bou. ’n Skattejag het elkeen ook meer geleer oor kHS se trotse geskiedenis, waarna daar ook ’n slangtoets afgelê is. Die talentaand het dan VLR-lede ure se vermaak verskaf. Na dié suksesvolle naweek pomp daar blou bloed deur elke grad agt leerder se are en word hul elkeen verwelkom as deel van die blou golf!

KHS leerders in SIMFONIA JUVENTI

Kobus Dippenaar (fagot) en Trudie Kritzinger (viool I) is gekies om hierdie jaar in Simfonia Juventi Jeugorkes te speel. Albei leerders is in Hoërskool Klerksdorp. Simfonia Juventi is ’n Jeug simfonie-orkes wat in die April vakansie vir ’n week by Pro Arte in Pretoria oefen. Hulle het optredes in Ermelo, Nylstroom en in Pretoria by die ZK Matthews saal.

’n Baie interessante program van die variasie word voorberei en uitvoerings van hoë standaard word elke jaar bereik.

Nuwe personeel 2009

Nuwe personeel by KHS vanjaar is mnr Anton Ollewage (Siviele Tegnologie en Tegnologie) en mev Minelba Prinsloo vir Engels.

2009 – ’N JAAR OM DANKIE TE Sê!

Ons sal 2008 altyd onthou as die Jaar van die Groot Skrik en die Jaar van die Groot Vreugde. Selfs die spesifieke datums is in ons geheues ingegraveer: die Groot Skrik het gekom in die nag van 16 April toe ons seunskoshuis afgebrand het. Ons was dadelik oorstelp van dankbaarheid dat ons Hemelse Vader as ons kinders ongedeerd daar laat uitstap het, maar die Groot Vreugde het presies 8½ maande later gevolg: ons Matriekuitslae!

Ons gee graag hiermee erkenning aan ons Hemelse Vader, aan die matrieks van 2008 – nie net vir ’n 100% slaagsyfer nie, maar ook vir 260 onderskeidings en ’n wonderlike positiewe gesindheid – aan ouers en ons onderwysers. Ons sien ook met geesdrif uit na wat 2009 gaan oplewer en wil graag in hierdie jaar leef in dankbaarheid vir wat ons in 2008 ontvang het en ook ontvang het in die bykans 90 jaar van die skool se bestaan. Ek glo dat ons skool ongelooflik bevoorreg is met ’n uitstaande en baie stabiele personeelkorps wat oor die jare nie net akademies puik is nie, maar so opreg omgee vir en gee aan die skool en spesifiek aan ons kinders op akademiese, sport-, kultuur- én geestelike en emosionele vlak dat dit nie anders kan as sukses oplewer nie.

Ons bid dat 2009 die jaar van Groot Dankbaarheid sal wees.


EDDIE BATEMAN
HOOF

KHS VALENTYNSBAL

Romanties, elegant, stylvol, feestelik, “great” – dit is woorde waarmee KHS se Valentynsbal vanjaar beskryf word.

Die graad 11’s het uitgehang met ’n markiestent langs die skoolsaal vir meer dansplek en die tafelversierings en kos was uit die boonste rakke.

“Beter as ’n matriekafskeid” was een van die gaste se mening.

Meneer en Mej. Valentyn wat met groot pryse weggeloop het, is Garry Ollewagen en Elandi Styger. Daar is verskeie pryse en trekkings aan gelukkige paartjies oorhandig – van etebewyse tot Skoonheidsgeskenkbewyse.

2008 Matriekuitslae - die jaar van groot vreugde!

Ons sal 2008 altyd onthou as die Jaar van die Groot Skrik en die Jaar van die Groot Vreugde. Selfs die spesifieke datums is in ons geheues ingegraveer: die Groot Skrik het gekom in die nag van 16 April toe ons seunskoshuis afgebrand het. Ons was dadelik oorstelp van dankbaarheid dat ons Hemelse Vader al ons kinders ongedeerd daar laat uitsap het. Maar die Groot Vreugde het presies 8½ maande later gevolg: ons Matriekuitslae!

Ons gee graag hiermee erkenning aan ons Hemelse Vader, aan die matrieks, aan ouers en onderwysers – ook dié wat nie noodwendig verlede jaar met hulle gewerk het nie, maar almal wat ‘n inset gelewer het, soos die laerskoolonderwysers. Die fondamente is reg gelê en KHS kon die afgelope vyf jaar net rustig voortbou. Baie dankie en baie geluk. Ons sien ook met geesdrif uit na wat ons Klas van 2009 gaan maak met hierdie voorbeeld wat aan hulle gestel is. Ons glo hulle kan dit nog ‘n tree of tien verder neem!

Maar in die eerste plek veral baie geluk aan elkeen van hierdie besondere Klas van 2008 wat die soet in ons mond teruggeplaas het, nie net met ‘n 100% slaagsyfer nie, maar hulle het hulle in alle opsigte onderskei as mense met wie ons as onderwysers graag saamgewerk het en vir wie ons met vreugde ons bes gedoen het. KHS groet julle met trots! - E J BATEMAN

‘n DUBBELE HANDVOL VIR JOHAN!

Toe talent uitgedeel is, het Johan Ferreira beslis altwee hande vol gekry. Daarby het hy gewoeker met daardie talente en dit vanjaar omskep in tien vakonderskeidings en ‘n gemiddeld wat hoog genoeg was om hom in Noordwes se Top Tien te plaas. Johan, wat as ‘n wonderlike musikus uitsonderlik presteer – hy is verlede jaar gekeur om aan die Interlochen Musiekakademie in die VSA te gaan studeer en het as een van slegs 3 studente uit 2500 die titel Erestudent verwerf – het op sy simbolestaat onderskeidings in Afrikaans (90%), Engels (80%), Wiskunde (96%), Wiskunde 3 (88%), Fisiese Wetenskappe (89%), Rekeningkunde (84%), Inligtingstegnologie (92%), Lewensoriëntering (93%) en Musiek (98%). Daarby word Praktiese Musiek (Royal Schools) op die staat aangedui as die tiende vak waarin hy ‘n totaal van 93% verwerf het. Sy punt in Musiek is 98 %, wat aan hom ook die Burgermeesters-toekenning besorg het as die beste presteerder in dié vak in die KOSH-gebied. Johan gaan vanjaar aan Tukkies studeer en KHS wil hierdie dux-leerling van ons ‘n wonderlike studentetyd en loopbaan vorentoe toewens. Johan is ‘n oudleerling van Laerskool La Hoff.


SEWES VIR JACO EN KARIEN

Twee KHS’ers, Jaco Joubert en Karien Steyn, spog met 7 onderskeidings elk. Jaco, wat ook met die viool kan toor, het A’s behaal in Afrikaans, Wiskunde, Wiskunde 3. Lewensoriëntering, Geografie, Inligtingstegnologie en Fisiese Wetenskappe. Jaco beoog ingenieurstudie, maar het below om nooit die viool weg te pak nie. Jaco is ‘n oudleerling van Laerskool Meiringspark.

Karien, wat in 2008 ook die Koshuishoofmeisie was, behaal onderskeidings in Afrikaans, Engels, Wiskunde, Lewensoriëntering, Rekenaartoepassingstegnologie, Lewenswetenskappe en Fisiese Wetenskappe. Slegs 1% beteken vir haar die verskil tussen 7 en 8 A’s. Karien verwerf ook die Burgermeesterstoekenning as die beste presteerder in Lewenswetenskappe (91%) in die KOSH-gebied. Sy ontvang ook ‘n beurs van die Stadsraad vir haar posisie op die provinsie se top vyftig. Karien presteer ook puik in Rekenaartoepassingstegnologie waarvoor sy 95 % kry. Karien is ‘n oudleerling van Learskool Hartbeesfontein.

SES MAAL SES KEER GELUK!

1. Hoofseun Pieter-Jan Pienaar het 6 A’s en is ook die KOSH se toppresteerder in Afrikaans (93%) en Lewensoriëntering (96%). Hy blink ook uit in Besigheidstudies (94%) en Wiskunde (91%). Ook ontvang hy ‘n beurs van die Stadsraad vir sy posisie op die provinsie se Top 50. Pieter-Jan is gekeur vir mediese studies en is ‘n oudleerling van Laerskool Hartbeesfontein.
2. Hoofmeisie Elizna Steyn het ses A’s, waaronder ‘n puik 92% in Afrikaans. Sy het ook 91% vir Musiek en 90% vir Lewensoriëntering. Elizna is ‘n oudleerling van Laerskool Coligny.
3. Retha Peach het nie net 6 A’;s nie, maar is ook die topstudent in Landbouwetenskappe (86%) in die KOSH-gebied. Sy verwerf ook 90% vir Wiskunde en 91% vir Lewensoriëntering. Retha is ‘n oudleerling van Laerskool Gerdau.
4. Nico Mynhardt het sy skryftalent in die eksamen goed benut en 6 A’s losgeskryf. Hy presteer die beste in Toerisme (86%). Hy is ‘n oudleerling van Laerskool Goudkop.
5. Tamrin Veldsman het in 2008 nie net haar plek in die Eerste Netbalspan volgestaan nie, maar akademies uitgeblink met ses A’s. Ook sy kort slegs 1% vir ‘n sewende onderskeiding. Tamrin is ‘n oudleerling van Laerskool Roosheuwel.
6. Francois van der Walt het ook ses goeie A’s in die sakkie. Hy presteer die beste in Wiskunde met 89%. Francois is ‘n oudleerling van Laerskool Schoonspruit.
TUSSEN DIé VIER IS DAAR 20

1. Lourens Linde (Afrikaans, Wiskunde, Lewensoriëntering, Inligtingstegnologie 88% en Landbouwetenskappe) – Laerskool Schoonspruit
2. Marizelle Moolman (Afrikaans 88%, Engels, Wiskunde, Lewensoriëntering 90% en Lewenswetenskappe) – Laerskool Gerdau
3. Nerié van Rhyn (Afrikaans, Engels, Lewensoriëntering 90%, Rekenaar-toepassingstegnologie 89% en Lewenswetenskappe) – Laerskool Meiringspark
4. Michael Zietsman (Afrikaans, Engels, Lewensoriëntering, Rekenaartoepassings-tegnologie en Lewenswetenskappe) – Laerskool Hartbeesfontein

ELF KEER VIER

1. Dian Bateman (Afrikaans, Wiskunde 89%, IT en Fisiese Wetenskappe) – Laerskool President
2. Vanessa Esterhuizen (Afrikaans, Toerisme, Lewensoriëntering en Wiskundige Geletterdheid) – Laerskool Goudkop
3. Stiena Hoffmann (Afrikaans, Kuns, Wiskundige Geletterdheid 96% en Lewensoriëntering) – Laerskool Kleinbroek
4. Elaine Jacobs (Toerisme, Lewensoriëntering, Wiskundige Geletterdheid en Besigheidstudies) – Laerskool Hartbeesfontein
5. Elmar le Grange (Afrikaans, Wiskunde, Lewensoriëntering en IT) – Laerskool Meiringspark
6. Christine Prinsloo (Afrikaans, Lewensoriëntering, Wiskundige Geletterdheid en Besigheidstudies) – Laerskool Goudkop
7. Inge Snyman (Afrikaans, Lewensoriëntering, Wiskundige Geletterdheid en Besigheidstudies) – Laerskool Goudkop
8. Hendré Swart (Wiskunde, Lewensoriëntering, Fisiese Wetenskappe en Ingenierusgrafika) – Laerskool Goudkop
9. Rhyno van der Westhuizen (Geografie, Toerisme, Lewensoriëntering en Wiskundige Geletterdheid) – Laerskool President
10. Lené van Rooyen (Afrikaans, Lewensoriëntering, Geografie en Besigheidstudies. Sy is ook bekroon as die toppresteerder in Besigheidstudies in die KOSH) – Laerskool Goudkop.
11. Marice van Onselen (Afrikaans, Lewensoriëntering, Wiskundige Geletterdheid en Toerisme) - Laerskool President.

HULLE HET ELK DRIE

1. Ulrike Becker – Laerskool Goudkop
2. Hendrik du Plessis – Laerskool Schoonspruit
3. Anina Jooste – Laerskool Hartbeesfontein
4. Bianca Koste – Laerskool Stilfontein
5. Hardus Labuschagne (Lewenswetenskappe 90%) – Laerskool Noordvaal
6. Phillana le Roux – Laerskool Noordvaal
7. Cayleen Lock (Wiskundige Geletterdheid 95%) – Laerskool Noordvaal
8. Paul Nieuwoudt – Laerskool Swartkop
9. Heleen Olivier – Laerskool La Hoff
10. Wilmarie Pienaar – Laerskool Gerdau
11. Michelle Pieterse (Beste prestasie in Toerisme in KOSH 92%) – Laerskool Stilfontein
12. Natasha Pretorius – Laerskool President
13. Adriaan Swart – Laerskool Hartbeesfontein
14. Wilco van der Schyff – Laerskool Schoonspruit
15. Nicky van der Walt – Laerskool President
16. Dirk van Staden (Beste prestasie in Toerisme 92% en Wiskundige Geletterdheid 97% in KOSH – Laerskool Goudkop)
17. Johan le Grange – Laerskool President
18. Dries van Onselen – Laerskool President

DUBBEL VREUGDE VIR Dié 20

1. Duncan du Plessis – Laerskool Noordvaal
2. Marlize Erasmus – Laerskool Delareyville
3. Edwim Gibbons – Laerskool La Hoff
4. René Jooste – Laerskool President
5. Johan Koekemoer – Laerskool Driefonteine
6. Leana Leggasick – Laerskool Driefonteine
7. Abraham Maree – Laerskool Schoonspruit
8. Megan Mclean – Laerskool Saamtrek
9. Melanie Minnaar – Laerskool Saamtrek
10. Simoné Murray – Laerskool President
11. Michelle Pieterse – Laerskool Driefonteine
12. Suzel Pretorius – Laerskool Driefonteine
13. Darnet Prinsloo – Laerskool Goudkop
14. Rian Smit – Laerskool La Hoff
15. Chantel Smit – Laerskool Koppie Alleen
16. Gerhard Strydom – Laerskool Orkney
17. Wessel Strydom – Laerskool Noordvaal
18. Michelle Buitendach – Laerskool Goudkop
19. Clarisse Coetzee – Laerskool Hartbeesfontein
20. Drian van den Heever – Laerskool Hartbeesfontein

GELUK MET EEN A:

Ruhan Beukes – Laerskool Noordvaal, Alicia Bruwer – Laerskool Noordvaal, Bertus Bylsma – Laerskool Saamtrek, Alicia Combrinck – Laerskool Saamtrek, Clifford Collard – Laerskool Driefonteine, Christelle de Beer – Laerskool Stilfontein, Zandré de Vries – Laerskool Orkney, Salize Duminy - Breinlyn, Madelein Dupper – Laerskool Noordvaal, Ettiene Grobler – Laerskool Goudkop), Lukas Groenewald – Laerskool President, Vivian Harris – Laerskool Lichtenburg, Wilma Henning – Laerskool Orkney, Jurie Herbst – Laerskool President, Tommie Heydenreich – Laerskool President, Johan J van Rensburg – Laerskool Goudkop, Rikus Jooste – Laerskool Hartbeesfontein, Hennie Kruger – Laerskool Lichtenburg, Kallie Kruger – Laerskool Orkney, Wimpie Lambrecht – Laerskool Hartbeesfontein, Suné Landman – Laerskool President, Amanda le Roux – Laerskool Unie, Matthias Lewis – Laerskool Meiringspark, Algretha Lombaard – Laerskool President, Almur Marais – Laerskool Driefonteine, Marilize Marais – Laerskool President, Milena Marcovic – Laerskool President, Chandré McLoughlin – Laerskool President, Chenél Műller – Laerskool Saamtrek, Cobus Nieuwoudt – Laerskool President, Ockert Olivier - Laerskool President, Oswald Prinsloo – Laerskool Goudkop, Eugene Radyn – Laerskool President, Yolandé Smit – Laerskool Goudkop, Alicia Steyn – Laerskool Orkney, Meliza Steyn – Laerskool Orkney, Johan Swanepoel – Laerskool President, Nadia Swanepoel – Laerskool President, Carien Thoresson – Laerskool Kuswag, JP van der Walt – Laerskool Newcastle, Deon van Onselen – Laerskool Driefontein en Anneri Weyers – Laerskool Hartbeesfontein

• Ons hou duim vas vir die leerlinge wat tussen hulle 31 amper-A’s (78-79%) verwerf het dat die hernasien nog beter sal wees!.

“DIE BESTE IN DIE LAND!”

Op nasionale vlak die beste – dit is die boodskap wat ons oor KHS se Toerisme-uitslae ontvang het! Baie geluk aan mev Yolandé Heymans en haar groep matrieks! Dié 64 leerlinge behaal ‘n gemiddeld van 74,4% en 24 van hulle verwerf A-simbole. Die wtee top-presteerders, Michelle Pieterse en Dirk van Staden, kry elke 92% en daarmee saam ook die toekenning as die beste in die KOSH-gebied. Die tweede plek wat hulle in 2007 in die Nasionale Toerismekompetisie vir skole verwer het, het beslis ook positief bygedra tot hul sukses.

Daar is natuurlik nie ‘n beter Toerisme-juffrou as mev Heymans, oftewel Juffrou Yollie nie! Sy en twee van haar graad 11-leerlinge wen verlede jaar nie net die Nasionale Toerisme-kompetisie nie, maar behaal ook wêreldwyd die eerste plek met hul voorlegging in Desember 2008 in Nice, Frankryk.

KHS se nuwe bus

KHS se hoof, mnr Eddie Bateman, ontvang die sleutels van KHS se nuwe bussie van die Voorsitter van die Beheerliggaam, mnr Coenraad Claassens. Dié bussie word gebruik om die Stilfontein roete te ry.

KHS krieket elftal wen Pietersburg

KHS het Saterdag op Pietersburg goed afgereken met Hoërskool Pietersburg se eerste krieketspan toe hulle met 7 paaltjies gewen het in die Super Ses kompetisie.

KHS het Pietersburg ingestuur om eerste te kolf en almal uitgehaal vir 71 lopies danksy die briljante boulwerk van Dawid Sebastian wat 5 paaltjies vir 12 lopies in 6 beurte laat spat het. Hy is goed ondersteun deur Jan Bosman Brink wat 2 paaltjies vir 10 in sy tien boulbeurte gekry het.

In KHS se kolfbeurt is die wenlopies in die sewentiende beurt geslaan met Jacques Matthee op 50 n.u.n. van 32 balle en Jan Bosman op 25 n.u.n.

KHS se twee Super Ses spanne speel Saterdag teen E.G. Jansen. Die eerstes het ’n weg-wedstryd terwyl die O/15’s tuis speel.

KHS vaar beste in Noordwes by Top Tien Atletiek!

Soos verlede jaar het KHS weer die beste van al die Noordwes skole gevaar by die bekende Noordheuwel Top Tien byeenkoms wat Woensdag 11 Februarie by die Roodepoort Stadion gehou is.

Van die 34 skole wat deelgeneem het, het KHS sewende geëindig met Gimmies in die elfde plek en Lichtenburg op nommer 22, Rustenburg Hoër op 23 en Brits 27ste. Die kompetisie is deur Kemptonpark gewen met Waterkloof as naaswenners.

Tazmin Brits (spiesgooi – sy het ook in dié nommer vir KHS se hoogste punt gesorg), Marion-Ann Duvenhage (hekkies – sy het vir KHS se meeste punte verdien in haar toegelate 2 nommers), Andrea Strauss (hekkies) en Steyn Kriel (spiesgooi) het almal hul nommers gewen en vir KHS baie punte ingebring.

KHS is veral trots op die feit dat hy afgereken het met skole soos Menlopark, Garsfontein, Dr. E.G. Jansen, Nelspruit en Marais Viljoen.


FOTO:

Marion-Ann Duvenhage

Groentjieskonsert 2009

KHS se graad 8’s het Donderdagaand tydens die skool se Groentjieskonsert hul talente deeglik uitgeleef op die verhoog met die tema Vakansie.

Hulle het van Switserland tot Orkney Vaal getoer en selfs ’n haaiaanval by Amanzimtoti oorleef danksy Pamela Anderson van Bay Watch!

Na die konsert is hulle amptelik onthef en kon hulle plegtig uit die skoolkode aanhaal: “Ek sal die goeie naam van my skool altyd in ere hou”



Sou FC Robbertze se ma haar seun herken het?


Op die “Super Tube”! Petrus Peens, Siabonga Mbize, Louis Fourie en LD Wiese tel spoed op.
V.l.n.r.: Petrus Peens, Siabonga Mbize, Louis Fourie, LD Wiese



Jeanette Swanepoel, Caylee Coetzee en Michke Viljoen maak ogies op die strand


Johan van der Schyff en Ruard Schwartz ondersteun mekaar

Ryno Barkhuizen wys hoe ’n mens in die see by Amanzimtoti swem


Lourens Pretorius en Charles Hele kuier op Amanzimtoti




Daniele Ollewagen en Annerie van Wyk, van die hoofleiers wat hulle by KHS aangesluit het.


Sterkman Richard Larkins bult sy spiere

Dux Leerlinge

By KHS se jaarlikse Akademiese Prysuitdeling wat op 29 Januarie in die Ouditorium van die Stadsaal gehou is vir leerlinge wat in 2008 in graad 8-11 was, is Eldie Oosthuizen (tans gr12) bekroon as duxleerling.

Sy behaal ’n gemiddeld van 91,1 % en verwerf ook trofeë vir die beste prestasie in Afrikaans, Engels en Lewenswetenskappe asook die trofee vir die beste prestasie in die Senior Fase.

Dux-leerlinge


Die ander dux-leerlinge is (op die foto v.l.n.r.- Lize Greyling (gr 8: 93,4%), Alricia Botha (gr 9: 92,4%), Annemie van Wyk (gr 10: 84,4%) en Eldie Oosthuizen